Maliwanag na ang sikat ng araw sa Makati, pero sa loob ng mansyon, tila may naiwan pang namumuong hamog mula sa kaganapan kagabi. Nakaupo si Rax sa dulo ng mahabang dining table, seryosong nagbabasa ng Wall Street Journal habang ang kanyang kape ay umuusok pa sa init.
Bitbit ang isang maliit na bowl ng yelo, dahan-dahang lumapit si Ning. Sa halip na ilapag lang ang yelo sa gilid, sadyang tumabi siya nang husto kay Rax—yung tipong ramdam ng bilyonaryo ang presensya ng kanyang "clumsy" na kasambahay.
"Morning, Sir Rax! Mukhang kailangan niyo po nito," masayang bati ni Ning sabay bagsak ng dalawang malalaking ice cubes sa baso ng tubig ni Rax. Plok! Plok!
Hindi nag-angat ng tingin si Rax. "Dimalanta, space. I need space."
"Space? Sir, mansyon po ito, hindi spaceship. Marami pong space dit
