Kahit na masungit ang sagot, hindi na binitiwan ni Rax ang siko ni Ning hanggang sa makasakay sila sa kotse. Pagdating nila sa mansyon, halos mag-ala-ninja si Manang Fe sa bilis ng paglabas mula sa kusina, bitbit ang isang baso ng gatas pero ang mga mata ay parang CCTV sa talas.
"O, kumusta ang date? Buhay pa ba kayo? Bakit amoy usok kayo at hindi amoy mamahaling pabango?" tanong ni Manang Fe habang sinusuri ang gown ni Ning na may mantsa na ng suka.
"Manang! Isang makasaysayang gabi!" tawa ni Ning habang tinatanggal ang kanyang heels na parang pasabog. "Akala ko po ma-e-expel na ako sa restaurant, pero ang ending, si Monica ang nag-flying kick palabas!"
"Ano’ng nangyari?" nanlalaki ang matang tanong ni Manang.
"Ganito kasi 'yun, Manang," pagsisimula ni Ning, sabay pwesto sa gitna ng s
