Wylene’s POV
Maaga akong nagising kinabukasan. Tulog pa raw si Jayden. Alam kong pagod siya sa biyahe namin kahapon sa Cebu pero nag-drive pa rin siya pauwi sa bahay nang mahigit tatlong oras.
“Alam mo bang pag-alis mo papuntang Macau, pabalik-balik siya dito at hinahanap ka?”
Napamaang ako sa sinabing iyon ni Nanay. Nandito kami sa may likod bahay, sa lilim ng mga puno at nakatanaw kay tatay na nasa taniman.
“May mga pagkakataon na gusto kong sabihin kung nasaan ka kaya lang pinipigilan ako ng mga kapatid mo. Anila huwag daw akong makialam kung ano man ang gusot ninyo dahil hindi mo raw lalayuan ‘yan kung maliit na bagay lang ang dahilan.”
Hinila ko ang isang upuan na nasa lamesa. May plastic table kasi at monobloc chairs sa lilim na ginagamit namin kapag doon kumakain dahil mas pres
