Pinagmasdan ko ang buong paligid ng silid na kinaroroonan ko. Naririto na kami sa bahay ngayon ni Calvin at mukhang naibiyahe niya rin naman ako ng matiwasay.
Matapos ang kaniyang huling sinabi ay bigla na lamang akong nawalan ng ulirat at hindi ko na rin alam kung ano pa ang sumunod na nangyari.
Pabalagbag na bumukas ang pintuan at iniluwa niyon si Calvin na may dalang tray. Mukhang pagkain ang laman niyon dahil umuusok-usok at kung babasehan ang usok ay tila isa iyong may sabaw.
“Thank God, you're awake!” Puno ng pag-aalala ang kaniyang tinig nang sabihin iyon.
Naantig ang kalooban ko sa narinig at nakitang pag-aalala mula sa kaniya. Daig pa niya ang tunay kong kasintahan kung umasta.
Nagmamadali siyang humakbang palapit sa kinahihigaan ko saka inilagay sa side table ang tray.
Hin
