Jamie's POV
BALIK na naman sa normal ang kada-araw ko. Gigising ng maaga at papasok sa trabaho. Masaya naman ako dahil nakarating ako sa Cebu. Pahinga na rin sa akin ang pagpunta roon.
Nandito ako sa opisina at tahimik lang na nakaupo. Wala naman akong trabaho ngayon.
Bigla kong naalala ang sinapit ni Justin. Bakit kaya siya pinatay? Simula ng makabalik kami galing Cebu, hindi ko pa rin maalis ang nangyari sa kaniya. May kaba at takot pa rin akong nararamdaman.
Napapitlag ako ng mag-vibrate ang aking cellphone na nakalagay sa table ko. Bumaling ako roon at bumungad sa akin ang message ng isang 'di kilalang numero. Binuksan ko iyon at napakunot ang noo ko.
Jam, na-miss mo ba ako? Hahaha ang saya 'di ba?
Lalong kumunot ang noo ko dahil sa nabasa ko. Hindi ko kilala ang numero at hindi
