Zacherson's POV
MAKIKIPAGLARO kami sa kaniya ngunit hindi sa larong gusto niya. Makikipaglaro kami sa larong gusto namin. Hindi ko hahayaang magtagumpay siya sa gusto niya.
Naalala ko si Jam, kailangan kong humiwalay sa kanya para makakilos kami at makagawa ng paraan para makilala ang nasa likod ng mga nangyayaring ito. Ayaw ko siyang hiwalayan, natatakot ako sa maaaring mangyari. Babantayan ko pa rin siya ano man ang mangyari. Kailangan ko munang umuwi ng condo para magpahinga at mamayang gabi kikilos ako. Gusto ko nang matapos 'to upang maging payapa na ang lahat.
Pinark ko ang kotse ko at bumaba mula doon. Naglakad na ako papasok ng building at sumakay sa elevator. Nang magbukas ito ay agad akong lumabas at tinungo ang condo unit ko. Pinindot ko ang code niyon at agad akong pumasok.
