“HOW'S your sleep, Masien?” pangungumusta sa akin ni Ma'am Esmeralda habang sabay-sabay kaming kumakain ng agahan sa hapag.
Alanganin naman akong ngumiti dahil ang totoo ay hindi talaga ako nakatulog kagabi.
“O-okay na okay po, Ma'am,” mabilis kong sagot ngunit hindi ko naitago ang pagkautal. Nasa tapat ko kasi si Yevhen na kanina pa tahimik pero pasulyap-sulyap naman sa akin.
Putragis!
Ayaw ko nang pag-usapan pa ang nangyari kagabi, pero hindi iyon mawala-wala sa isip ko! Mabuti na lang ay lumabas agad siya ng kwarto matapos niyang humingi ng paumanhin at magpaalam. Ang hindi ko lang alam ay kung saan siya natulog.
“Sasabay ka ba'ng pumasok sa akin?” Yevhen suddenly inquired, which made me choke. Uubo-uubo tuloy akong uminom ng tubig.
“Masien, dahan-dahan lang.” Mukhang alalang-alal
