"No, I don't want that, that one! Yeah!"
Nakita ko na na nilagay ni Andro sa cart iyong napili kong feeding bottle. Gaya nang napag-usapan namin ay siya ang mamimili pero ako ang pipili. Nagkatotoo ang sinabi ni Robi dahil magka-video call nga kami habang namimili siya. Naisip ko nga na hindi ba siya nahihiya? Para kasi iyong ibang taong kasabay niya ay nakatingin sa kaniya kapag natatapat dito ang camere pero para sa kaniya ay balewala lang iyon.
"Ano sunod?" Tanong niya sa akin. Tiningnan ko naman ang checklist ko at nilagyan nang check iyong feeding bottles. Iyong mga dress nang baby ay okay na dahil sa paunti-unti na bili ko noon tsaka puro order ako sa online.
"Sa pillows naman," sabi ko sa kaniya. Nakita ko na tumango siya tapos mukhang hinanap niya kung nasaan iyon pero nang h
