Para akong masunuring bata na tahimik na nakaupo at nakatanaw sa mga dinaraanan namin. Hindi niya sinabi sa akin kung saan kami pupunta. 'Di na rin ako nagtanong.
I'd never tried horseback riding kaya super excited ako. Makakasakay na rin sa wakas ng totoong kabayo. Hindi 'yung kabayong plastik na pinalobo. Mukha akong timang no'n.
"What else do you want to do?" tanong niya.
Tumaas naman ang kilay ko. "Bakit mo tinatanong?"
May himala ata talagang nangyari sa kanya kagabi, eh. Biglang bumait. Hindi kami natuloy sa rooftop kagabi. Nakakainis kasi siya.
"Para hindi na ako mabaliw sa kakahanap sa 'yo kapag may gusto kang gawin."
Pinaparinggan niya ba ako sa paglabas ko noong nakaraang araw? 'Yung mag-isa akong pumunta sa fast food chain kasi puro gulay ba naman ipinabaon sa 'kin. Eh, Hi
