Jonga's POV:
Halos dalawang oras na akong nagbabasa nitong journal. Unang pahina lamang ang naintindihan ko nang ayos samantalang ang hulihan ay kakarampot na lamang. Halos ang iba kasi ay nakasulat na sa ibang lenggwahe. May tatlo yatang iba't ibang lenggwahe ang ginamit noong isinulat ito.
Mukhang matalino ang may ari nito, sa palagay ko. Ginawa ba namang tatlo ang lenggwahe nitong journal niya para hindi basta-basta maintindihan ng iba.
Ang naintindihan ko lamang ay patungkol ang journal na ito sa isang paglalakbay at pag-aaral nung may-ari. Dalaga pa ang may-ari nito noong napadpad siya rito sa isla kasama ang kaniyang mga magulang hanggang sa tumanda siya. Parehong mga geologist at historian ang kaniyang mga magulang at pinag-aaralan itong isla at iba pang lugar.
Nabasa ko ring
