-Natalia-
"DITO na lang kayo," sabi ko sa mga kasama ko.
Hindi pa buo ang tiwala ni Nelson kaya mayroon s'yang mga tauhan na sumusunod sa akin. Nandito ako nga sa bahay ko para kumuha ng mga kagamitan dahil kulang ang gamit ko sa lugar na iyon.
Pagpasok ko sa loob ay pakiramdam ko ay mayroon nagbago sa paligid. Maayos naman, pero nag-iba ang posisyon ng mga gamit.
Pumasok ako sa kwarto na sobrang dilim ng paligid, pero mayroon akong mararamdaman mayroong tao. Binuksan ko ang ilaw at nagulat ako ng makita si Gray na nakahiga sa kama habang nakapikit ito.
Hindi ako sigurado kung natutulog ba s'ya o nakapikit lang. Agad kong ni-lock ang pinto at tumakbo sa bintana para i-lock din iyon sabay takpan ng kurtina.
Nasa labas ang tauhan ni Nelson kaya hindi s'ya p'wedeng makita ng mga tauhan
