ALEXA'S POV
Pagkatapos ng shift ko, naglalakad na sana ako pauwi nang bigla akong harangin ni Ate Letty.
"Alexa, pinapatawag ka ni Sir Oliver," sabi niya habang nagmamadaling nililigpit ang mga papeles niya.
Napahinto ako, para bang may humila sa mga paa ko pabalik. Anong kasalanan ko na naman?
"Bakit po, Ate? Wala naman akong nagawa," tanong ko, pilit itinatago ang kaba.
"Eh, hindi ko rin alam. Pero sabi niya, ngayon na," sagot ni Ate Letty, sabay senyas na pumunta na ako.
Ngayon na? Talaga bang kailangan ngayon na?
Napasapo ako sa noo ko habang naglalakad papunta sa opisina niya. Paulit-ulit kong iniisip kung may mali ba akong nagawa. Hindi ko alam kung bakit parang mas malapit na ako sa kamatayan sa tuwing tinatawag niya ako.
Pagdating ko sa harap ng opisina niya, kumatok ako na
