CHAPTER 51
PRESENT
Sana ay nagkakamali ako ng narinig mula sa sinabi niya. Imahinasyon ko lang siguro ‘yung mga salitang ‘yon ngunit maski mukha ng buong pamilya ko ay nagbago. Liligawan? Ako? Hindi na kami mga teenager para pumunta sa par o restaurant at magtanungan ng ‘mahal kita’. Mga matatanda na kami at magulang na ng isang batang mag-iisang taon.
“Ano raw?” naiinis at nagtatakang tanong ni Astrid. Ayaw niya sigurong paniwalaan ang sinabi ni Novel.
“Pwede bang ulitin mo ang sinabi mo, hijo?” tanong sa kanya ni Mama.
Lumunok ng hanging si Novel, ang kanyang adam’s apple ay gumalaw. “Gusto ko pong ligawan ang anak n’yo.” Mariin ang kanyang boses. Na para bang siguradong-sigurado na siya sa sinasabi niya.
“Nahihibang ka na ba?” Hindi ko mapigilan ang sarili ko na mapasimangot. Baki
