Nakatingala si Patricia at hinahayaan niyang pumatak sa mukha niya ang malakas na buhos ng tubig na nagmumula sa rumaragasang tubig ng shower.
Sumasabay sa agos ng tubig mula sa shower ang pag-agos ng kanyang mga luha. Kailangan niyang ibuhos ang lahat ngayon dito. Kanina pa kasi niya ito pinpigilan.
Nang medyo gumaan ang pakiramdam niya ay agad na tinapos niya ang kanyang paliligo. Inayos niya ang kanyang sarili. Pagkatapos ay nagpaalam kay manang na lalabas.
Sa likod harden siya tumungo. Umupo siya sa naroong canopy swing at binuksan ang kanyang cellphone. Napangiti siya nang sunod-sunod na nag pop-up sa screen ang mensahe ng asawa niya.
Agad na binasa niya ang mga mensahe na pinadala nito sa kanya. Hindi mapuknat ang pag ngiti ng kanyang labi habang binabasa niya iyon.
Ilang sa
