Nagsalubong ang makakapal na kilay ni Joaquin. Pagkatapos ay tumingin ito sa direksyon ni Millie.
"Ms. Garcia, when did you get the cheque for my signature?" tanong nito sa kanya habang binubuklat ang folder na ipinatong doon ni Ms. Del Rosario.
Sasagot na sana si Millie subalit inunahan siya ni Ms. Del Rosario.
"Sabi ni Ms. Ladia ay nung isang araw pa niya naibigay sa magaling mong assistant dahil alam niya na rush iyan at kailangang maibayad sa Star Advertising Agency kahapon." Nakahalukipkip na sabi nito. Si Ms. Ladia na tinutukoy nito ay ang Accounts Payable Manager ng My Fashion.
"Sir, pasensya na po. Hindi ko po napapirmahan sa inyo ang tseke dahil maaga po kayong umalis nung isang araw. Kahapon naman po ay hindi tayo nakapasok," lakas-loob na sabat ni Millie.
"See that, Joaquin
