Nag-aapoy ang galit sa mga mata ni Theodore, ngunit hindi rin umatras si Sebastian. Sa halip, sinalubong niya ang titig nito ng may parehong tindi at halong bahagyang pangungutya.
Ramdam ni Rosalie ang tensyon sa pagitan ng dalawa kaya agad siyang sumingit. "Theo, anong ginagawa mo dito?"
Huminga nang malalim si Theodore bago sumagot. "Pumunta ako sa kwarto mo para hanapin ka, pero wala ka roon. Sinabi ng kasambahay na umalis ka at hindi mo sinasagot ang mga tawag ko. Tapos, nagsinungaling pa ang kaibigan mo at sinabing nasa kanila ka. Bakit mo ginawa 'yon?"
Sa totoo lang, halos mabaliw siya sa pag-aalala kanina. Takot na takot siya na baka may nangyari kay Rosalie.
"Paano mo nalaman na nandito ako?" tanong niya, naguguluhan.
"Narinig kong may doktor na nag-uusap sa telepono tungkol s
