Inayos ni Liam ang suot niyang suit habang nakaharap sa salamin. Today is the day. Magpo-propose na siya kay Rian. At alam niya na palasak na ang kasabihang nasa isip niya ngunit, bahala na si Batman.
Napabuntong-hininga siya bago inalis ang suot na necktie at inihagis iyon sa lapag. Mas lalo lang siyang nasasakal habang suot iyon. Hindi siya makahinga sa sobrang kaba at ang lakas ng kabog ng kanyang dibdib. Kinapa niya ang bulsa upang tingnan kung naroroon ang maliit na kahon kung saan nakalagay ang singsing na pinagawa niya.
Sinubukan niyang iwaksi sa isipan ang panlalamig ng dalaga nitong mga nakaraang mga araw. Ayaw niyang isipin ang mga bagay na iyon dahil hindi niya mapigilan na hindi matakot at hindi kabahan lalo kapag iniisip iyon.
Kanina lang ay nagpaalam ang dalaga na may d
