"Wala lang 'to, Liam. Nadulas lang ako."
"Gaano ba kalala ang dulas mo at andami mong pasa?"
Hindi agad nakasagot ang kausap. Mailap ang mga mata nito na tila may itinatago. Siguro ay kinakabahan ito sa presensya niya. Hinawi niya ang buhok ni Rian at inipit iyon sa likod ng tainga nito.
"Madulas kasi 'yong sahig sa banyo, natapon ko 'yong shampoo. 'Wag kang mag-alala, ayos lang ako."
Diskumpiyado siya sa sagot ng dalaga ngunit hindi siya umimik. Hinila na lang niya ito papalapit at niyakap. "You should be careful next time, okay? Ayoko na nasasaktan ka."
Habant kumakain sila ay pinagmamasdan niya ang dalaga. Alam niya na nagsisinungaling ito nang sabihin nito na nadulas lang ito kung saan. Base rin sa mga pasa nito ay hindi lang ito simpleng nadulas lang. Minsan niya lang itong hind
