Celine’s POV
Pagkatapos ng night market at ng… hindi inaasahang halik sa Burnham, para akong lumulutang sa ulap habang naglalakad kami pabalik sa sasakyan.
Hindi ko alam kung paano ako humihinga nang normal. Ilang beses akong napakapit sa shawl ko para lang hindi mapansin ni Lance na nanginginig ako—hindi lang dahil sa lamig, kundi dahil sa kaba at kilig na gumugulong sa dibdib ko.
Tahimik kami habang nasa kotse. Ang headlights ng mga kasalubong naming sasakyan ay kumikislap sa windshield, parang mga bituin na gumagalaw. Paminsan-minsan, nagtatama ang mga mata namin ni Lance sa rear-view mirror—at sa bawat pagkakataon, may kilig na dumadaloy mula ulo ko hanggang talampakan.
Binuksan niya ang heater nang bahagya. “Okay ka lang ba? You look… flushed.”
Napatingin ako sa kanya, kunwarin
