Umakyat na si Zairah sa taas at inilagay niya sa vase ang bulaklak na binigay ni Raven. Pinalitan na niya ang lumang bulaklak na ibinigay din nito noong nakaraang araw. Ayaw man niyang bigyan ng malisya ang mga iyon ngunit hindi mawala sa isip niya.
Matapos niyang ayusin ito, tumunog ang message tone ng cell phone niya. Dinampot niya ito sa isang tabi at binasa ang mensahe. Naka-rehistro roon ang pangalan ng binatang si Raven at binasa ito.
I like you, Zairah. That’s what I want to tell you earlier kaso tinamaan ako ng katorpehan.
Halos sabay ang pagkaba at bahagyang pagnginig ng kamay niya sa nabasa. Nagkatotoo nga ang hinala niya kung para saan nga ba ang mga bulaklak na iyon. Hindi mahirap mahalin si Raven lalo na at alam niyang desenteng lalaki ito at may pinag-aralan. Subalit sa si
