Parang biglang tumigil ang lahat ng galaw sa paligid—mga batang nagtatakbuhan, mga magulang na nag-uusap, pati mga huni ng ibon na dumadapo sa mga puno. Lahat naglaho, at ang naiwan lang ay ang malakas na t***k ng puso ni Liam habang nakatitig sa tatlong pares ng mata na punô ng pagtataka, kaba, at pananabik.
Si Sky, na kanina lang ay matapang na humarap sa mga nambully, ay biglang napalunok. Hindi na galit ang nasa mga mata niya ngayon kundi isang emosyon na mas malalim pa—pag-asa. Ang boses niya ay bahagyang nanginginig nang muling magsalita.
“D-Daddy?” halos bulong, ngunit malinaw. Parang gusto niyang ulitin iyon para lang makasiguro na hindi siya nagkamali ng narinig.
Dahan-dahang lumuhod si Liam sa harapan nila. Gusto niyang pantayin ang sarili sa kanilang tatlo, ipakita na hindi s
