Kabanata 6
Mabilis lumipas ang araw at hindi ko inaasahan na ilang araw na lang ay ang kasal na namin na si Lolo Ramon ang pumili ng petsa. Mas minabuti ko na simple lamang ang lahat, nahihiya na rin kasi ako dahil sila lahat ang may sagot sa gastusin. Kung tutuusin ako ang humingi ng tulong sa kanila kaya sobra-sobra na ang utang na loob ko.
Hindi na rin ako halos makapasok sa trabaho dahil sa dami ng inaasikaso para sa nalalapit na kasal kaya nagpasya na ako na mag-resign. Tutal ay ‘di magtatagal ay sa Manila na ako titira. Inaayos na rin nito ang mga nahiram kong pera sa bangko at mayroon na rin itong pinapunta na mga bihasa sa pamamalakad ng hacienda kaya wala na talagang bawian ang lahat.
Bukas ay uuwi na rin si Tita Imelda kasama ang bunsong kapatid ni Edward.
"Grabe ang bilis ng
