Kabanata 34
Malaki ang apartment kung ako lang mag-isa ang titira. Sa tabi naman nito ay ang malaking bahay nila Ate Yllane, ang kapatid ni Yolly. Sa harapan mismo ay ang malaki nilang flower shop na siya mismo ang nagma-manage.
"Hay! Madalas ka pa naman itanong sa akin ni Brenda at Chikki," malungkot na saad ni Yolly pagbaba ng maleta ko.
Inilibot kong muli ang tingin ko sa loob ng apartment. Kumpleto ang gamit nito dito dahil ginagamit niya ito kapag umuuwi siya dito. Isa lang ang kuwarto pero malaki na kung ako lang mag-isa.
Ngumiti ako sa sinabi nito at binaba ang shoulder bag ko sa kama.
"Talaga?" wala sa sariling tanong ko habang inaalis ang sandals na suot ko.
Tumango ito at tumingin sa akin. "Oo no. Niyayaya ka nga ulit mag-club."
Huminga ito nang malalim at humiga sa kama n
