“Congratulations kapatid!” bati ni Grace sa kaibigan saka ito niyakap.
Araw ng kasal nito at kasalukuyan silang nasa reception ng kasal ni Missy. Simple lang naman din ang naging kasal ng kaniyang kaibigan. Piling mga kaibigan at kamag-anak lang din ang bisita nito.
“Salamat! Sasali ka sa pagsalo ng bulaklak ko ha?” sabi pa nito sa kaniya nang kumalas na ito mula sa pagkakayakap niya.
“Puwede bang ‘wag na lang?” tanong namn niya rito.
“Hindi puwede! Bawal ka tumanggi, mamalasin ang love life mo, sige ka!” sagot naman nito sa kaniya na may kasamang pag-iling.
‘Grabe siya, malas na nga ‘di ba?’ bulong niya sa kaniyang sarili.
At wala na nga siyang nagawa. Siniguro ni Missy na kasama siya sa mga dalagang sasalo ng bouquet ng bulaklak nito. Kulang na nga lang ay iabot na lang sa kaniya
