NAPAPAILING si Jenny habang pinagmamasdan si Dwayne. Katulad ng nakaraang mga araw ay nilulunod nanaman nito ang sarili sa alak sa isang bar. Hanggang ngayon kasi ay nahihirapan parin itong tanggapin ang paghihiwalay nila ni Bella.
Nilapitan niya ito at kinuha sa kamay nito ang baso ng alak na iniinuman nito. "Balak mo ba talaga magpakamatay?"
Nilingon siya nito. "Parekoy! Halika, samahan mo akong uminom," alok nito sa kanya.
"Hindi ako pumunta dito para makipag-inuman sa'yo. Nandito ako para iuwi ka. Lasing ka na eh..."
"No way! Hindi ako uuwi," mariin na tanggi nito.
"Hanggang kailan mo 'to balak gawin, Dwayne? Hanggang magkasakit ka at mamatay? Ganoon ba?"
"Tsk! Kung nandito ka para pangaralan ako, iwan mo nalang ako." Kinuha nito ang baso ng alak sa kamay ni Jenny at tinungga han
