ILANG araw na ang nakakalipas matapos niyang matuklasan ang lihim na damdamin ng matalik niyang kaibigan na si Jenny para sa dati niyang kasintahan na si Dwayne. Hanggang ngayon ay hindi parin siya makapaniwala na nakaya nitong itago ang damdamin sa mahabang panahon.
Araw-araw ay tinatawagan niya ang matalik na kaibigan para kamustahin at iparamdam dito na hindi ito nag-iisa, na nandiyan parin siya para dito at walang nagbago sa pagtingin niya dito. Katulad nalang ngayon. Kasalukuyan niya itong kausap sa telepono.
"Are you sure, you're okay?" muli niyang tanong dito.
"Bes, I'm fine. Huwag kang mag-alala at wala akong planong tumalon sa mataas na building dahil lang hindi ako kayang mahalin ng lalaking mahal mo," may halong biro pa nitong sagot.
Napabuntong hininga si Bella. "Seryoso, k
