NEIL IVAN LEVISTE
Pabalik-balik ako ng lakad habang naghihintay sa labas ng operating room. Mag-iisang oras na simula nang ipasok doon si Lalaine ngunit hindi pa rin lumalabas ang Doctor.
Umupo ako at napasapo sa mukha ko.
Hindi ko kaya kung mawawala ang asawa ko. Hindi. Hindi pa ako nakakabawi sa kaniya. Bago ko pa lang pupunan ang pagkukulang ko sa kanya.
"Everything will be alright, Neil." Naramdaman kong may tumapik sa balikat ko. Hindi na ako nag-abalang tingnan iyon, dahil kilala ko na agad iyon, si Jay.
Pumatak ang luha ko. Gusto ko mang pigilan ang pag-iyak sa harap nila pero hindi ko magawa. Wala naman sigurong masama kung makita nila akong umiyak dahil nasasaktan at natatakot ako. Nakita na iyon ni Aldrich at hindi naman siguro kabawasan sa pagkatao ko, kung umiyak ulit ak
