CHAPTER 61
Nang matapos na ang libing, nagpapaalam na ang mga nakidalamhati sa kanila. Saan na sila ngayon tutuloy? Kanino sila pipisan? Ito na yung sandaling kinatatakutan niya. Kinausap na siya tungkol dito ng kanilang mga kamag-anak ngunit hindi pa siya noon nakakapagdesisyon ngunit ngayon, parang wala siyang magawa para sa mga kapatid kasi siya mismo hindi niya alam kung saan siya tutuloy.
"Tol, dito lang muna kayo sandali ha? Babalik ako. Sandaling-sandali lang talaga. May kakausapin lang kami ni Ma’am Sofia." bulong ni Sackey sa kanya ngunit hindi na niya iyon gaanong naintindihan sa dami ng kanyang iniisip.
Kahit nga nang nagpaalam si Britney nang tumuloy na ito sa ibang bansa ay hindi na niya gaano pang nabigyan ng panahon. Basta nang niyakap siya ni Britney at nagpaalam ay umiy
