Pagpasok ni Melody sa kanilang bahay hindi niya akalain nasa bungad na pala ang kanyang ina. Kunot-noo itong nakatunghay sa kanya tila sinusuri kung ano ang nangyari at bakit mukhang mugto ang kanyang mga mata.
“Hi, Mom, kumusta po kayo?” masiglang bati niya sa ina. Akma siyang hahalik sa pisngi nito pero pinigilan siya sa dalawang braso niya. Mukhang wala ang kanyang ama dahil ito lamang ang sumalubong sa kanya sa pintuan. Pinagmasdan ang mukha niya ng kanyang ina. Mababanaag ang pag-aalala rito.
“Umiyak ka ba, anak? Ano ang nangyari?” tanong nito sa kanya.
Hindi muna siya sumagot at hinila ang ina sa living room. Pagkarating doon pinaupo niya ang ina at tumabi siya rito sabay yakap ng mahigpit. Doon niya na inilabas ang sakit na nadarama niya sa araw na iyon. Magta-tanghali na pero
