"Aya—" sabi niya, saka nagkusa na siyang humiga ng maayos, at maya maya ay bumuga ng hangin. Siguradong nawalan na siya ng gana dahil sa tanong ko.
Sinadya ko naman talagang magtanong ng gano'n para maputol ang ginawa niya. Nakakalungkot lang dahil nawalan na nga siya ng gana, ayaw niya pang sagutin ang tanong ko.
Ilang minuto na kasi akong naghihintay ng sagot, kaya lang, hindi na siya muling nagsalita. Sinambit niya lang ang pangalan ko at wala nang naging kasunod. Ni ang sulyapan nga ako hindi na rin niya ginawa. Puro titig na lang sa bubong ang ginagawa niya.
"Sorry, hindi na sana ako nagtanong," sabi ko sabay ang pagtalikod.
Ayoko nitong nararamdaman ko, ayoko na maging malungkot at madismaya dahil hindi niya lang masagot ang tanong ko.
Alam ko kasi na wala akong karapatan n
