"Tulong–" Natigil ang ngawa ko nang makita ang pamilyar na kwartong kinalalagyan. Umiling ako ng paulit-ulit habang ang mga luha ay walang tigil sa pagdaloy.
Hagulgol ang kasunod sa mahina kong paghikbi. Takip na rin ang mga palad sa bibig. Gusto kong gumalaw; gusto kong bumangon. Pero ramdam ang sakit sa buong katawan ko. Bumalik sa isip ko ang eksina sa bundok bago ako nahulog.
"Aya!" Boses ni Belle ang narinig ko kasabay ang pagyugyog ng kubo.
"Belle, tulungan mo ako. Umalis na tayo rito." Hawak ko ang kamay ni Belle. Nangingilid rin ang mga luha niya. Pero umiling-iling.
"Belle, ano ba, tulungan mo na akong tumayo. Tara na."
"Sa tingin mo, makakaalis ka rito sa kalagayan mong 'yan?"
Nanlaki ang mga mata ko nang makita si Ancel. Ngumisi pa ito na lalong nagpalakas sa paghikbi
