#BYAHBook2_InHisArms
EPISODE 32
ILANG LINGGO NA ANG NAKAKALIPAS…
Kasalukuyang nakaupo sa sofa si Khiro habang tutok na tutok ang atensyon sa binabasang libro.
“Wala pa ba iyong pinadeliver natin?”
Napatigil sa pagbabasa si Khiro at napaangat ang mukha ng marinig ang tanong ni Kameon na kakarating lamang sa living room. Halos matulala si Khiro sa nakitang ayos ni Kameon habang nakatayo ito malapit sa kanya.
Kakagaling lamang kasi ng banyo ni Kameon at kakatapos lamang maligo kaya naman basa pa ang buhok nito na pinupunasan naman nito ng isa pang twalya na hawak-hawak niya. Tumutulo pa mula rito ang ilan pang butil ng tubig patungo sa mukha nito pababa sa leeg nito pababa sa naguumbukan at matitigas nitong dibdib pababa pa sa anim nitong pandesal hanggang sa humin
