#BYAHBook2_InHisArms
EPISODE 23
“Uminom ka muna ng tubig para kumalma ang pakiramdam mo…” sabi ni Kameon sabay abot ng kakabukas pa lamang niya na bottled water kay Khiro. Magkatabing nakaupo ang dalawa sa isang bench na nasa loob ng malawak na park na kung saan kaunti lamang ang mga taong naroon. Marahil ay dahil hindi pa weekend kaya wala masyadong nagpupunta ngayon sa park.
Napatingin naman sandali si Khiro kay Kameon. Tipid itong napangiti saka kinuha na mula sa kamay ni Kameon ang bottled water saka uminom.
“Ano bang nagyari sayo at bakit kita nakitang parang balisa na mag-isang naglalakad sa gilid ng daan? Paano kung may mangyaring masama sayo…”
“Sana nga may nangyari na lang sa aking masama na dahilan para mawakasan na ang buhay ko kaysa naman ‘yung ganito…
