DALAWANG LINYA ang nakita ni Rosette sa unang beses na paggamit niya ng pregnancy test. At sa sarili ay hindi siya lubos na makapaniwala na nagbunga nga ang nangyari sa kanila ni Fifth. Takot at pangamba ang namayani sa kaniya. Hindi niya kasi alam kung paano siya magiging mabuting ina sa batang dinadala niya kung mismong siya nga ay naging pabaya sa pag-ibig.
Pagkatapos pa nang natuklasan niya tungkol sa pagdadalang tao ni Eunice ay tila ba ayaw na niyang ituloy pa ang pagbubuntis na ito. Tutal naman ay wala pang kaalam-alam si Fifth at mas lalong hindi niya gugustuhin na malaman ito ni Fifth. Marahil ay si Eunice na nga ang panalo ngayon dahil handa naman itong maging ina ng magiging anak nito kay Fifth, hindi tulad niya na tila hindi pa rin matanggap. Bukod kasi sa katotohanang nagdada
