------ALTHEA's POV------
Kinausap naming mag-asawa ang huling nakasalamuha ng anak namin, ang kaibigan niyang si Kurt. Naabutan pa namin ang mga magulang ni Kurt na masayang-masaya na makitang buhay ang anak nila.
"Mama, papa... nabuo rin tayo sa wakas!" Umiiyak na saad nung bata.
Parang napiga ang puso ko sa eksenang iyon. Kung hindi pa nadisgrasya ang mga bata ay hindi makakasama ni Kurt ang mga magulang niya.
Pero kami ni Tryke... pinilt naming buuin ang pamilya namin pero pinaghiwalay pa rin ng isang malagim na aksidente.
Sa wakas ay nagkaroon na rin ako ng pagkakataong makausap si Kurt. "Kurt... may sinabi ba si Angela bago... bago siya pumanaw?"
"Tita, wag po kayong mag-alala... hindi po nakaramdam si Angela ng anumang sakit... mahimbing po siyang natutulog sa tabi ko nung ma-a
