Inabot na ng madaling araw pero hindi pa rin ako nakakatulog. Kahit nakahiga na ako sa kama ay ayaw pa rin akong dalawin ng antok. Hangang sa naisip ko na lamang na lumabas para magpahangin.
Maputi at pinong buhangin ang humahalik sa aking talampakan. Bawat hakbang ko kasi ay lumulubog ang aking paa kaya iniwan ko ang aking tsinelas. Maliwanag ang malaking buwan kaya kahit paano ay tanaw ko ang lawak ng dagat kahit may iilang ilaw sa poste. Napapikit ako at pinakingan ang paghampas ng alon sa dalampasigan. Ang pag-ihip ng malamig at mabining hangin sa akin ay nagbibigay ng masarap at nakaka-relax na pakiramdam.
Tama nga si Sir Henry, kung kailangan mong mag-unwind sa ganitong lugar ka dapat pumunta. Tahimik, at magkakaroon ka ng piece of mind. Pero pwede ding gawin mo ang lugar na ito
