“Anak ko,” naluluhang sambit ko nang ilagay sa ibabaw ko ang baby ko.
Kung puwede ko lang itong yakapin ay ginawa ko na. Ngunit agad rin itong inalis ng doktor at ibinigay sa nurse para linisan at bihisan.
Umere pa ‘ko at lumabas ang inunan ng aking anak. Tinahian pa ako’t pagkatapos ng prosesong ‘yon ay sinuotan na ‘ko ng diaper.
Nilipat na ‘ko ng nurse sa ward, kasunod ang ang anak ko. Pinalitan pa ako ng mga ito ng damit, at pagkatapos ay pinapasok na sina inay at itay. Pero saglit na lumabas si Vince para bumili ng mainit na sabaw.
“Ang guwapo ng apo ko’t manang–manang sa akin. At ito ang susunod na magmamana ng El Nombre,” masayang wika ni itay na titig na titig sa apo nito.
“Ako yata kamukha ng apo natin, Gustavo dahil kuhang–kuha niya ang kutis kong balat sibuyas,” komento
