“Na–Nasa’n ho ako, Inay?” tanong ko nang mapansin ko na halos kawayan ang nakapaligid sa akin. Masakit ang paa ko. At pakiramdam ko’y namamanhid ito.
“Nandito tayo sa Tagaytay, Anak. Dito sa pinsan ko’t malayo sa Tiya Concha mo para hindi tayo masundan ni Dreydon dahil alam mo na,” pahayag ni nanay sa akin dahilan upang mangilid ang luha ko.
“Kasalanan ko ho ba nagmahal ako ng husto, Inay? Kasalanan ko ba na ako ang nagmahal sa kanya para tratuhin niya ‘ko ng ganito?” sunod–sunod na tanong ko.
Pinahid ni inay ang luha ko. “Ilang beses mo na bang tinanong sa akin ‘yan, Anak? At paulit–ulit kong sasagutin na hindi kasalanang magmahal, kundi ay napunta ka lang sa maling tao. Pero ngayon ay okay na’t malaya ka na sa kanya, at masaya na ‘ko’t giginhawa na pakiramdam ko dahil sa wakas ay na
