“Gu–Gustavo? A–Anong ginagawa mo rito’t paano mo ‘ko natunton?” sunod–sunod na tanong ni inay, kaya naman pinagpalit–palitan ko ang tingin ko sa mga ito.
“Dahil sa anak mo, Susan. Sinundan ko siya dahil may gusto akong malaman sa pagkatao niya. No’ng nalaman ko na ikaw ang nanay niya’y hindi na ‘ko mapakali, so i talked to her. Hindi niya sinagot ang huling tanong ko, that’s why I’m here dahil ginugulo ako ng isipan ko,” mahabang pahayag ni Sir Gustavo.
“Umalis ka na, Gustavo, at wala na dapat tayong pag–usapan dahil tapos na ang lahat sa a—”
“Ikaw ang nagtapos ng lahat, Susan,” mariing agaw ni Sir Gustavo. “Iniwan mo ‘ko sa ere! Binalikan kita sa inyo, pero wala ka na’t sulat lang ang naabutan ko. Hinanap kita sa katabing probinsya ng Tagaytay, pero ni anino mo’y hindi ko nakita. Kay
