Caress' POV
"I'M SO sorry, Caress," paghingi ni Raim ng dispensa ng makalabas na ng gate ang kotse ni Janelle. Tila napasong inalis niya ang pagkaka-akbay sa akin. "Ginamit kita sa paghihiganti ko kay Janelle."
"Narito naman talaga ako dahil sa bagay na 'yon. Kaya lang..." Napalunok ako. "Paano na ang plastic surgery plan mo?"
He sighed. "Hindi ko alam kung matutuwa ako o hindi. Nabigla rin ako sa pagpapakilala ko sa 'yo as my girlfriend."
"Nagulat nga ako sa bigla mong pagdating at ipinakilala akong girlfriend, Raim. Hindi iyon ang plano mo."
"Iba kasi ang naging dating kanina sa akin ni Janelle. Hindi ko nagustuhan na parang minamaliit ka. Kaya naisip ko na ipagmalaki ka sa kanya."
"Pero..." hindi ko naituloy ang sasabihin dahil ang totoo'y nasaktan ako dahil sa mga sinabi ni Janel
