TAHIMIK na kumain ang lahat tanging tunog lamang ng mga kubyertos ang maririnig. Walang nais na magsalita lalong- lalo na si Amara. Pinakiramdaman niyang mabuti ang dalawa dahil wala man salitang lumalabas sa kanilang bibig ngunit ramdam naman ang mainit na tensiyon sa pagitan nila Japeth at Zach. Alam niyang kunting silab na lang nito magniningas na ulit ito.
At 'yan ang iniiwasan niyang mangyari ulit. Ang magkaroon ng physical na sakitan ang dalawa. Kaya hindi tuloy siya makakain ng maayos dahil focus ang kanyang atensiyon sa dalawa.
Laging magkasalungat sa lahat ng bagay. Maging ang pagkuha ng pagkain at maiinom niyang tubig nag-uunahan ang dalawa na tila ba sumali sa paligsahan at ang premyo si Amara. Hindi sila dapat magkakagulo kung marunong lang lumugar ang isa sa buhay ni Amara
