Kahit pagod at hapong-hapo ay hindi pa rin magawang makatulog ni Mariel dahil sa nangyari kay Rachel kanina.
Naawa siya dito dahil alam na niya kung bakit minsan nahuhuli niya itong nakatulala at minsan umiiyak mag-isa. Ayaw naman niyang tanungin ito dahil maayos naman ito kapag kaharap na siya. Hindi nga halatang malungkot ito.
Nagtataka din siya dahil may mga araw na maayos naman ang dalawa. Pero bakit naghiwalay na ang mga ito? At saka, totoo kaya 'yung sinabi ni Irene na balak nitong magpakamatay? Jusko! Naninikip talaga ang dibdib niya nang marinig iyon. Parang hindi siya makapaniwala na kayang gawin ni Rachel iyon. Pero bakit ayaw makinig ni Jerome sa paliwanag ni Rachel? E, alam naman nito na siya lang ang boyfriend nito. May dahilan kaya?
Sa kaiisip niya kay Rachel ay lalong h
