Kabanata 71
Nangunot ang noo ko nang tumama sa mukha ko ang sinag ng araw. Marahan kong iminulat ang aking mga mata at bumungad sa akin ang napakagwapong mukha ni Alas. Payapa at mahimbing siyang natutulog. Dinig ko ang mumunting mga hilik niya habang bahagyang nakanguso ang kanyang natural ana mapulang labi.
Napangiti ako habang pinagmamasdan siya. Ang gwapo.
Kung ganitong-ganito lang din naman ang bubungad sa akin araw-araw, wala akong problemang gumising kahit alas kwatro pa nang madaling araw.
“Alas...” mahinang tawag ko sa kanya bago ako mas lumapit para magpantay ang mukha namin. “Gising na,” sabi ko sa kanya at mas inilapat pa ang mukha ko hanggang sa magtama ang ilong naming dalawa. “Gising na...” sambit kong muli. At nang hindi pa rin siya gumigising ay hinalikan ko ang ilon
