SERYOSO ang naging panliligaw ni Jace. Para itong naninilbihan at talagang sinusuyo si Amara. Dalawang linggo na itong halos kina Ka Julian na tumira. Akala nga nina Mang Pedring at Aling Farah ay nobyo na niya ito. Tinutukso na rin sila ng mga kakilala ni Jace. Minsan na rin siyang naisama nito sa pagto-tour ng mga turista. At ang pakilala sa kanya sa mga namamasyal ay asawa nito. Hindi naman siya makatanggi dahil sumasayaw din ang puso niya kapag naiisip niyang totoo iyon.
Pauwi na sila mula sa pagkanta niya at sakay ng pick-up truck ni Jace. Nang lumiko ang sasakyan sa isang hindi pamilyar na daan ay nagtaka si Amara. Hindi iyon ang pauwi kina Ka Julian.
"May ipapakita lang ako sa 'yo, Amara." Seryoso nitong sabi habang nagmamaneho.
Hindi siya kumibo dahil bigla siyang kinabahan. Ib
