"Ilang beses na tayong naghahalikan, TJ. Mas grabe pa nga riyan ang first kiss natin... pero natutulala ka pa rin hanggang ngayon," wika ni Ethan. May pilyong kislap sa kanyang mga mata at isang mapang-asar na ngiti ang sumilay sa kanyang mga labi habang nakatitig sa nag-iinit na mukha ng dalaga. Gustong-gusto niyang nakikita ang ganitong reaksyon ni TJ—ang kawalan nito ng maisasagot sa tuwing ipinapaalala niya ang lumalalim nilang ugnayan.
Napakagat-labi si TJ, lalong nag-init ang kanyang mga pisngi sa tahasang pag-amin ng abogado. Para itong bombang sumabog sa kanyang pandinig. Upang itago ang matinding pagkapahiya at ang mabilis na t***k ng kanyang puso, mas hinigpitan niya ang hawak sa magandang bouquet ng mga sariwang bulaklak na karga-karga niya.
"Pasalamat ka talaga, gusto ko 'ton
