Walang nagawa si TJ kundi ang sumunod. Alam niyang kapag si Attorney Navarro na ang nag-utos, wala nang espasyo para sa negosasyon.
Muli siyang umakyat at nagpalit ng suot—isang itim na loose t-shirt at jogging pants.
Pagbaba niya, dali-dali siyang pumunta sa sala kung saan nadatnan niya si Ethan na seryosong nakatitig sa kanyang iPad.
"Okay na? Happy?" asar na wika ni TJ, habang ipinapakita ang kanyang disente at balot na balot na anyo.
Tumango lang si Ethan bilang tugon, hindi man lang inalis ang mga mata at atensyon sa binabasa.
Ngunit sa likod ng seryosong mukhang iyon, alam ni Ethan na nanalo siya sa unang round.
Naupo si TJ sa tabi niya at, sa kabila ng inis, ay malambing na isinandal ang ulo sa balikat ng binata.
"Ethan, pwede ba... pag dumating ang classmate ko, huwag ka
