Eksaktong pagkatapos uminom ni TJ ng tubig para pawiin ang init ng kanyang mukha, dumating ang waiter bitbit ang naglalakihang tray. Isa-isang inihain sa kanilang harapan ang umuusok na Spicy Ramen, ang makulay na Dragon Roll, at ang sariwang Sashimi.
Bago pa man makagalaw si TJ, kinuha ni Ethan ang isang pares ng chopsticks. Marahan niya itong pinaghiwalay, kinuha ang isang piraso ng tissue para punasan ang dulo nito, at inilagay sa tabi ng pinggan ni TJ. Hindi pa siya natapos doon; kumuha rin siya ng maliit na platito, naglagay ng tamang dami ng soy sauce at hinaluan ito ng kaunting wasabi.
“Kain na,” malambing na wika ni Ethan habang inuusog ang platito ng sawsaw sa harap ng dalaga.
“Wow, attorney. May concierge service na ba rito?” biro ni TJ, bagaman hindi niya maikakaila na kiniki
