Nanatiling nakasandal si TJ sa pader, ang kanyang dibdib ay mabilis na tumataas-baba habang nakatitig sa papalapit na mukha ni Ethan. Ang pilyong ngiti sa mga labi ng abogado ay unt-unting napalitan ng isang seryoso at malalim na tingin—ang tingin na tila ba binabasa ang bawat hibla ng nararamdaman ng dalaga.
"E-ethan... ang sabi ko kanina, ako ang hahalik sa'yo," bulong ni TJ, pilit na ibinabalik ang kanyang nawawalang lakas ng loob. "Bakit ikaw ang lumalapit?"
Tumigil si Ethan, ilang pulgada na lang ang layo sa mukha ni TJ. Nararamdaman na nila ang init ng hininga ng isa’t isa.
"Gusto ko lang makasiguro kung handa ka na ba talaga sa hinihingi mo," mahinang sagot ni Ethan, ang boses ay naging paos. "Kasi TJ... kapag ako ang nagsimula, hindi ako titigil sa isang halik lang."
Tila napa
