HIMAYA'S POV
“Ano na ngayon ang binabalak niyo?“ mahinahong tanong ni Tatay sa amin.
Kasalukuyan kaming nandito sa sala ng bahay at nag-uusap. Magkatabi kami ni Jude sa upuan habang nasa harap naman namin si Nanay at Tatay.
“Tay…” ang tanging nasabi ko. Hindi ko alam kung ano ang sasabihin ko. Mag-aasawa na ako?
“Mang Manuel, alam ko po na masyadong nakakabigla itong naging desisyon namin, pero mahal ko po ang anak niyo…” sabat ni Jude.
Tumango-tango si Tatay ngunit hindi nagbabago ang kanyang mukha. Naroon pa rin ang labis na ka-seryosohan sa kanyang mukha.
“Kung gano'n, ano na ang magiging hakbang niyo? Ikaw, Aya?“ baling ni Tatay sa akin.
“Mag-aapply po ako sa bayan ng kahit ano'ng trabaho, Tay. May kaunti naman akong naipon para sa pag-aaral ng mga kapatid ko at pati na rin sa g
