HIMAYA’S POV
Napangiti ako habang pinapanood si Jude na niyayakap ang kanyang Lolo. Lingid sa kaalaman ng dalawa ay mataman ko silang pinagmamasdan mula sa kusina. Alam ko, may tinatago rin naman kabutihan si Jude sa puso niya.
Inaamin ko noong una natatakot akong magtiwala sa kanya dahil alam na alam ko na ang karakas ng mga tulad niya. Bagamat hindi pa ako kailanman nagkaroon ng nobyo, may mga kaibigan naman akong nakipagsapalaran sa Maynila upang magkaroon ng magandang buhay. Marami sa kanila ang umuwing luhaan at bigo dahil niloko sila ng mga Lalaking taga Maynila.
Hindi ko tuloy maiwasan na ikompara si Jude sa mga lalaking iyon, lalo na kapag naalala ko ang dahilan kung bakit ipinatapon siya ng kanyang Mama rito sa probinsiya.
Muli kong ibinaling sa mag-Lolo ang paningin ko. Kahit
